పంటల కోసం సన్నీ లియోన్ ఫోటోలు

Updated By VankayaMon, 02/12/2018 - 10:30
Sunny bikini Poster

అదేంటి శృంగార తార సన్నీ లియోన్ కు పంటలకు సంబంధం ఏమిటి అనుకుంటున్నారా. పూర్తిగా చదివితే మీకే క్లారిటీ వస్తుంది. సాధారణంగా ఏదైనా మంచి వస్తువు మీదనో మనిషి మీదనో లేక ఇంటి మీదనో దిష్టి తగులుతుంది అనుకుంటే ఏం చేస్తాం. భయానకంగా ఉండే రాక్షసుడి బొమ్మని గుమ్మానికి కట్టడం లేదా గుడ్డ పీలికను కాల్చి పీడా పోయింది అని చెప్పుకోవడమో చేస్తాం. కాని పొట్టి శ్రీరాములు నెల్లూరు జిల్లా రైతులు మాత్రం తమ రూటే సెపరేటు అని ఋజువు చేస్తున్నారు.

బ్రహ్మేశ్వరం, బండకిందపల్లి రైతులు ఈ సీజన్లో వేసిన పంటలు మంచి దిగుబడి ఇస్తున్నాయి. క్యాబేజీ, బెండకాయ, క్యాలిఫ్లవర్ లాంటివి బాగా ఏపుగా పెరిగి ఆ దారిన వెళ్ళే ప్రతి ఒక్కరిని విపరీతంగా ఆకర్షిస్తున్నాయి. దీంతో ఆ దారంట వెళ్తున్న ప్రతి ఒక్కరు ఆగి మరి వీటిని అదే పనిగా చూడటం ఫోటోలు దిగటం చేస్తున్నారు.

మెల్లగా తాకిడి ఎక్కువ కావడంతో పాటు జిల్లలో చర్చనీయంశంగా మారడంతో దిష్టి తగులుతుంది అని ఆందోళన చెందిన రైతులు వెంటనే సన్నీ లియోన్ బికినీతో ఉన్న ఫోటో ఒక ఫ్లెక్సీ రూపంలో పెద్దగా చేయించి అందులో నన్ను చూసి ఏడవకురా అని ప్రింట్ చేయించి మరీ పంటను చూడడానికి వచ్చినవాళ్ళ దృష్టిని పక్కకు మళ్ళిస్తున్నారు.

దీంతో చాలా మంది పంటలను చూడటం మానేసి గుడ్డ పీలికల్లాంటి బికినీ లో సన్నీ లియోన్ అందాలు చూడటంలో మునిగిపోయారు. ఇంకేముంది రైతుల ప్లాన్ సక్సెస్ అయ్యింది. అయినా సన్నీ లియోన్ ని ఇలా కూడా వాడుకోవచ్చా అనే మిగిలిన వాళ్ళు కూడా ఆశ్చర్యపోతున్నారు. ప్రపంచవ్యాప్తంగా అభిమానులున్న ఈ శృంగారతారను ఈ రకంగా వాడుకోవడం మాత్రం బహుశా ఇది ఫస్ట్ టైం కావొచ్చు. అంతా సన్నీ మహిమ.  

ఆర్టికల్ నచ్చితే ..

YOU MAY LIKE