శ్రీరెడ్డి ఎపిసోడ్ తర్వాత.. వేమూరి రాధాకృష్ణను జనసేన అధినేత పవన్ కల్యాణ్ టార్గెట్ చేస్తున్న విషయం గమనిస్తూనే ఉన్నాం. వరుస ట్వీట్లతో.. ఆంధ్రజ్యోతిని బూతు జ్యోతి అనీ.. రాధాకృష్ణ టీడీపీకి అనుబంధంగా ఉన్నారని అంటూ పవన్ కామెంట్లు చేస్తున్నదీ గమనిస్తున్నాం. దీనిపై.. ఇన్నాళ్లూ కాస్త మౌనంగానే ఉన్న ఆంధ్రజ్యోతి ఆర్కే.. ఇప్పుడు న్యాయపోరాటానికి దిగారు. తనపై, తన మీడియా సంస్థలపై అనుచిత వ్యాఖ్యలు చేశారంటూ పవన్ కు లీగల్ నోటీసులు పంపించారు.

టాలీవుడ్ హీరోలందరూ మీటింగ్ చేసుకున్నాక న్యూస్ ఛానల్స్ కు ఇకపై ఎటువంటి సినిమా ఫీడ్ ఇవ్వకూడదు అని కీలక నిర్ణయం తీసుకున్నట్టుగా సోషల్ మీడియాలో తెగ ప్రచారం జరుగుతోంది. కాని నిజానికి అటువంటిది ఏమి లేదట. కాకపోతే ఛానల్స్ కు అదే పనిగా స్టూడియోలకు వెళ్లి మరీ ఇంటర్వ్యూలు, లైవ్ ఇన్లు ఇవ్వటాన్ని మాత్రం నియంత్రించుకోవాలని అనుకున్నట్టు తెలిసింది.

భరత్ అనే నేను సూపర్ హిట్ టాక్ తెచ్చుకుని వంద కోట్ల గ్రాస్ దాటేసినా ఎందుకో ఆ సందడి ఉత్సాహం బాక్స్ ఆఫీస్ దగ్గర లేదే అనే సందేహాలు తలెత్తుతున్నాయి. టాక్ విషయంలో ఎటువంటి నెగటివ్ పెద్దగా వినిపించకపోయినా సోమవారం నుంచి వసూళ్ళలో డ్రాప్ స్పష్టంగా కనిపిస్తున్నాయని ట్రేడ్ అంటోంది. పైగా ఎల్లుండి హాలీవుడ్ సూపర్ హీరోస్  మూవీ అవెంజర్స్ ఇన్ఫినిటి వార్ తెలుగు రాష్ట్రాల్లో భారీ ఎత్తున విడుదల కానుంది.

మొత్తానికి టాలీవుడ్ లో పరిణామాలు చాలా వేగంగా మారుతున్నాయి. నిన్న అగ్ర హీరోలందరూ ఒక రహస్య సమావేశం జరుపుకుని కొన్ని నిర్ణయాలు తీసుకున్నారు అనే వార్త గురించి ఇంకా పూర్తి సమాచారం అందే లోపే మరో వార్త ఇప్పుడు చక్కర్లు కొడుతోంది. అది శ్రీరెడ్డి గురించే. గత మూడు నాలుగు రోజులుగా పవన్ పేరుని నేరుగా ప్రస్తావించకుండా వ్యంగ్యంగా తన ఫేస్ బుక్ పేజీలో పోస్ట్ చేస్తున్న శ్రీరెడ్డి నిన్న మొన్న ఏకంగా మెగాస్టార్ ని కూడా టార్గెట్ చేసింది.

నిన్న మీడియాకు తెలియకుండా చెప్పకుండా టాలీవుడ్ అగ్ర హీరోలందరూ చిరంజీవి అధ్యక్షతన ఒక రహస్య సమావేశం నిర్వహించారనే వార్త గురించి ఫిలిం నగర్లో పెద్ద చర్చే జరుగుతోంది. అసలు జరిగిందా లేదా అనే పక్కా సమాచారం ఎవరి దగ్గరా లేదు. ఎందుకంటే మీడియా ప్రతినిధులకు కనీసం ఉప్పందకుండా జరిపిన మీటింగ్ కాబట్టి పూర్తి వివరాలు బయటికి రాలేదు కాని న్యూస్ ఛానల్స్ కు సినిమా ఫీడ్ ఇవ్వడం గురించే తీవ్ర చర్చ జరిగిందని టాక్.

ఇప్పటికే కాస్టింగ్ కౌచ్ వివాదంతో తల బొప్పి కట్టిన ఇండస్ట్రీ పెద్దలకు గోరుచుట్టుపై రోకలి పోటు తరహాలో మరో ఇష్యూ వచ్చి పడింది. తమ డిమాండ్ల సాధన కోసం తెలుగు సినీ అండ్ టీవీ అవుట్ డోర్ లైట్ మెన్ యూనియన్ నిరవధిక సమ్మెకు ప్లాన్ చేస్తోంది. మొన్న శనివారం నుంచే పాక్షికంగా మొదలు పెట్టినప్పటికీ నిన్న చర్చలు విఫలం కావడంతో ఇది సీరియస్ గా మార్చే ప్లానింగ్ లో ఉన్నారు. ఇవాళ చాంబర్ పెద్దలతో మరోసారి మీటింగ్ అయ్యాక యూనియన్ మెంబెర్స్ నిర్ణయం ప్రకటించనున్నారు.

కొత్త తరం స్టార్ హీరోలు నూతన ఒరవడికి శ్రీకారం చుడుతున్నారు. ఇన్నాళ్ళు ఈగోల కోసమో లేక అభిమానుల కోసమో తమ మధ్య కనిపించని అడ్డు గోడలు కట్టుకున్న సీనియర్ కథానాయకుల ట్రెండ్ కి భిన్నంగా వీళ్ళు ప్రవర్తిస్తున్న తీరు ఫాన్స్ లో కూడా కొత్త ఉత్సాహాన్ని నింపుతోంది. భరత్ అనే నేను ప్రీ రిలీజ్ ఫంక్షన్ లో మేము మేము బాగానే ఉన్నాం అనే మహేష్ మాటను పదే పదే సాక్ష్యాల రూపంలో విడుదల చేస్తున్నారు. దీని వల్ల అభిమానుల ఆలోచనలో కూడా మార్పు వస్తోంది.

టాలీవుడ్ లో కాస్టింగ్ కౌచ్ దుమారం రేపి.. పవన్ కల్యాణ్ ను నానా బూతులు తిట్టిన శ్రీరెడ్డి తీరుపై.. ఇప్పుడు మద్దతిచ్చే వారి కంటే.. విమర్శించే వారి సంఖ్యే పెరుగుతోంది. ఓ మహిళ అయి ఉండి కూడా.. శ్రీరెడ్డి తీరును బాలీవుడ్ ప్రముఖ కొరియోగ్రఫర్ సరోజ్ ఖాన్.. శ్రీరెడ్డి తీరును తీవ్రంగా వ్యతిరేకించారు. ముంబైలో విలేకరుల సమావేశంలో మాట్లాడిన సరోజ్ ఖాన్… “అసలు తన ప్రతిభ మీద తనకు నమ్మకం ఉండి ఉంటే.. శ్రీరెడ్డి ఇతరులకు అమ్ముడు పోదు కదా” అని సూటిగా ప్రశ్నించారు.

దర్శకేంద్రుడు రాఘవేంద్రరావు.. సినిమాలు వదిలేసినట్టేనా? శ్రీ వేంకటేశ్వర భక్తి చానల్ కు చైర్మన్ గా నియమితులైన తర్వాత.. ఓ పత్రికకు ఇచ్చిన ఇంటర్వ్యూలో ఆయన చెప్పిన విషయాలను విశ్లేషిస్తే.. ఈ అభిప్రాయమే కలుగుతోంది. ఇప్పటివరకూ ఎస్వీబీసీ చానెల్ కు చైర్మన్ లేరు. ఇప్పుడు.. చానెల్ లో కార్యక్రమాలను జనానికి మరింత దగ్గర చేయాలన్న లక్ష్యంతో రాఘవేంద్రరావును చైర్మన్ ను చేశారు. ఈ విషయంపై స్పందిస్తూ.. తనకు వేంకటేశ్వరస్వామికి మధ్య ఉన్న అనుబంధం మరింత దగ్గర చేసేలా.. ఈ పదవి దక్కిందని సంతోషించారు.

మే 9న విడుదల కానున్న మహానటి కోసం ఎదురుచూస్తున్న ప్రేక్షకుల సంఖ్య అంతకంతకు పెరిగిపోతోంది. సావిత్రి జీవిత కథ ఆధారంగా రూపొందిన సినిమా కాబట్టి ప్రపంచానికి తెలియని ఎన్నో సంగతులు అందులో ఉంటాయని ఆశిస్తున్నారు అభిమానులు. కథ కోసం నాగ అశ్విన్ చాలా రీసెర్చ్ చేసాడు. సావిత్రి గారి అమ్మాయి విజయ చాముండేశ్వరితో పాటు ఆవిడతో అనుబంధం ఉన్న ప్రతి ఒక్కరిని కలిసి చాలా సమాచారం సేకరించాడు.

భరత్ అనే నేను సక్సెస్ ఎంజాయ్ చేస్తున్న మహేష్ త్వరలో వంశీ పైడిపల్లి దర్శకత్వంలో మొదలయ్యే తన పాతికవ సినిమా కోసం రెడీ అవుతున్నాడు. కాని ఎప్పటి నుంచి స్టార్ట్ చేస్తారు అనే క్లారిటీ మాత్రం ఇప్పటి దాకా రాలేదు. సక్సెస్ మీట్స్ లో కూడా ప్రిన్స్ ఆ ప్రస్తావన తీసుకోవడం లేదు. విశ్వసనీయ సమాచారం మేరకు ఇది కొంత ఆలస్యం అయ్యే అవకాశం ఉందట.

అర్జున్ రెడ్డి విజయం నిజంగానే విజయ్ దేవరకొండ మెదడులోకి బాగా ఎక్కేసినట్టు ఉంది. తాను చెప్పింది రైట్ అర్థం చేసుకోకపోతే అవతలి వాళ్ళకు మానసిక పరిణితి లేదు అనేలా మాట్లాడ్డం అప్పటి నుంచే అలవాటు చేసుకున్న విజయ్ దేవరకొండ తాజాగా మరోసారి వివాదంలో పడ్డాడు. మొన్న నల్ల కళ్ళద్దాలు పెట్టుకుని ఖరీదైన కారు ముందు నుంచుని కీర్తి సురేష్ ఇచ్చిన స్టిల్ ని తన ట్విట్టర్ లో పోస్ట్ చేసిన విజయ్ దేవరకొండ దానికి క్యాప్షన్ గా వాట్ ఏ చిక్ అని పెట్టాడు. అంతే. నెటిజెన్ల కోపం నషాళానికి ఎక్కింది.

మంచు విష్ణు టైం అసలే అంతంత మాత్రంగా ఉంది. అన్నాతమ్ముళ్ళు ఏ సినిమా చేసినా కనీస స్థాయిలో కూడా ఓపెనింగ్స్ రావడం లేదు. అలాంటప్పుడు రిలీజ్ విషయంలో కూడా చాలా జాగ్రత్తలు తీసుకోవాలి. నాన్న మోహన్ బాబు గాయత్రి విషయంలో ఇదే పొరపాటు చేసి అనవసర పోటీకి వెళ్లి మరీ దెబ్బ తీసుకున్నారు. ఇప్పుడు విష్ణు కొత్త సినిమా ఆచారి అమెరికా యాత్ర కూడా అదే మిస్టేక్ రిపీట్ చేసేలా ఉంది.

వరస విజయాలు ఒకోసారి మనుషుల ప్రవర్తనలో మార్పు తేవడం సహజం. అందులోనూ సినిమా రంగంలో అడుగుపెట్టిన ఐదేళ్ళ లోపే మూడు ఇండస్ట్రీ హిట్స్ సాధించడం అంటే ఇంకేమైనా ఉందా. మైత్రి సంస్థ ఇప్పుడు అదే స్థితిలో ఉంది. ఇండస్ట్రీలో వినిపిస్తున్న గాసిప్ ప్రకారం రంగస్థలం హిట్ తర్వాత సదరు ముగ్గురు నిర్మాతల వ్యవహార శైలిలో చాలా మార్పు వచ్చిందట.

అక్కినేని నాగార్జున రెండో వారసుడు అఖిల్ కొత్త సినిమా మొదలైంది కాని కొన్ని విషయాల్లో ఇంకా క్లారిటీ రావాల్సి ఉంది. మొదటి సినిమా అఖిల్ డిజాస్టర్. రెండో మూవీ హలో అనూహ్యంగా సూపర్ ఫ్లాప్. ఆర్థికంగా కూడా నిర్మాతలను ఇవి దెబ్బ తీసాయి. అందుకే మూడో సినిమా ఎంపిక చేసుకోవడంలో చాలా కాలయాపన చేసిన అఖిల్ చివరికి తొలిప్రేమ ఫేం వెంకీ అట్లూరి దర్శకుడిగా గ్రీన్ సిగ్నల్ ఇచ్చి షూటింగ్ ప్రారంభించిన సంగతి తెలిసిందే.

YOU MAY LIKE